الاسينو اوينكو

? الأسنيو أونيكو ٢٠٢١ – ASSEGNO UNICO 2021

◾ هو عباره عن مساعده من الحكومه للأسر اللي عندها أولاد أقل من سن ١٨ سنه هيتم تحويلها على حسابك البنكي وقيمتها تصل حتى ٢١٧ يورو للطفل الواحد ( لكن طبعا القيمه هتختلف من أسره للأخري على حسب عدد افرادها وقيمة الايزي ISEE مع كمان أخذ في الاعتبار لا قدر الله لو فيه إعاقة في أحد الأولاد )

◾ التقديم هيبدأ من بداية شهر يوليو القادم لفترة ست شهور حتى آخر ديسمبر ومن أول يناير ٢٠٢٢ هيتم التعميم على كل الأسر

◾ التقديم على الاسنيو أونيكو خاص فقط للناس اللي مش شغاله او الناس اللي عامله بطاله وكذلك الناس أصحاب العمل ومن لديهم PARTITA IVA

◾ اللي هيقدم على الأسنيو أونيكو لازم يكون معاه الايزي ISEE بقيمة لا تزيد عن ٥٠ ألف يورو ( الايزي فاميلياري يكون متسجل فيه أفراد أسرتك بالكامل)

◾ لازم يكون اللي هيقدم معاه ومع أسرته ريزيدنسا ساريه

◾ الأسنيو أونيكو هيلغي بعض المساعدات زي ?

1️⃣ شيك العائلات الكبيره(الترسو فيليو TERZO FIGLIO)

2️⃣ البونص بيبي ( BONUS BEBÈ)

3️⃣ شيك الولاده(PREMIO ALLA NASCITA)

⚠️ لكن كل البونصات والمساعدات دي هتفضل ساريه فقط حتى آخر ديسمبر ٢٠٢١ وبعدها بداية من السنه الجديده مع تطبيق الأسنيو أونيكو على الجميع هتختفي تماما

◾ معلومه مهمه هتأثر على قيمة الأسنيو أونيكو وهو وجود الجد NONNO او الجده NONNA في الأسره هيأثر تلقائيا على قيمة الايزي ISEE لو لديهم دخل

◾الأسنيو أونيكو هيتم إضافته تلقائيا على اي حد بياخد دخل المواطنه REDDITO DI CITTADINANZA وطبعا الإنبس هيحسب الأسنيو للأولاد ويخصم الجزء اللي بياخده في دخل المواطنه ويضيف الأسنيو على دخل المواطنه

⚠️ مثال انت بتاخد مثلا ٣٥٠ يورو ليك ولطفل دخل مواطنه ومع تطبيق الأسنيو أونيكو طلع يستحق ليك مثلا ١٥٠ يورو للطفل هتلاقي الإنبس زود ٨٠ يورو على دخل المواطنه لإن فيه ?(٧٠ يورو قيمة المساعده في دخل المواطنه للطفل)

◾التقديم هيبدأ من أول يوليو ( في إنتظار طريقة التقديم) ولكن في الغالبيه هيكون عن طريق الاسبيد SPID أونلاين او عن طريق الكاف CAF

كتب المقال محمود عبيد

عن عمر

اتمنى لكم الاستفادة من الاخبار والقوانين فى غربتكم والسلام عليكم

شاهد أيضاً

فرصه العمر مسكن فى إيطاليا بواحد يورو

أسهل طريقة لأخذ مسكن مجانى حكومى فى إيطاليا

أسباب إبعاد الأطفال من الأسر بأمر قضائى

لماذا يتم سحب الأطفال من أسرهم؟!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظه للكاتب عمر