خدمه الشراء بالقسط فى إيطاليا

TASSO ZERO

هذه الكلمه منتشرة فى كل المجلات وفى المحلات ما معناها

المعنى؟
تعنى أن بالإمكان شراء المنتج من غير دفع أى مقدم وبالتقسيط بدون أى فوائد..

مده التقسيط بتكون من 10 شهور أو 15 أو 20 على حسب عرض المحل
يعنى مثلا منتج ب 600 يورو ممكن تستلمه وتدفع 60 يورو كل شهر لمده 10 شهور ….
القسط الاول بيبدأ من نفس تاريخ الشراء من الشهر التالى..

كيف يتم الدفع؟
المحل بيكون متعاقد مع أحد شركات الماليه او البنوك مثل AGOS, FIDITALIA, FINDOMESTIC
المحل يأخد فلوسه كامله منهم بمجرد الشراء ، وبيبقى الدين بين المشترى وشركه القرض
يعنى أى تأخير أو عدم سداد بيتعمل بلوك على الكوديتشى فسكالى، والشخص ده لا يستطيع شراء اى منتج مره تانيه بالتقسيط، لأنه الكمبيوتر بيسجل انه سئ فى الدفع..

ايه الاوراق المطلوبه ؟
– كوديتشى فسكالى “نظيف” بدون مديونيات
– البطاقه ( لو حاصل على الجنسيه )
– لو شخص أجنبى او مهاجر بيطلبوا الإقامه ولازم يكون مده انتهاءها اطول من عدد الأقساط ( يعنى لو هتنتهى بعد 6 شهور وعدد الاقساط 10 لا يقبل)
– اخر بوستا باجا busta paga وطبعا ميكنش عليها التزامات واقساط كثير..
– لو اجنبى بيطلبوا أخر فاتوره كهرباء مدفوعه للجديه…
– رقم ال IBAN للحساب البنكى…

فى محلات بتحدد أحيانا حد ادنى للشراء بالتاسو الزيرو…

العديد لا يفضل الاقساط لأنها دين ، لكن الطريقه دى أحيانا بتكون الوسيله الوحيده لشراء الأجهزه الغاليه أو أكثر من جهاز فى نفس الوقت….
خصوصا مع عدم توافر السيوله فى الأيام الحرجه دى..

دائما الشركات ترسل المجلات على المنازل وبها العروض ومكتوب فوقها التاسو زيرو، ممكن استغلال العرض والشراء…

ممكن شراء سيارة بهذا النوع من التاسو الضريبه الصفريه او التقسيط المريح…

عن عمر

اتمنى لكم الاستفادة من الاخبار والقوانين فى غربتكم والسلام عليكم

شاهد أيضاً

المساعدات والبونصات التى تم اعتمادها فى 24 أكتوبر 2020

24 نقطه التى قررت الحكومه وضعهم فى القرارات الجديده

بونص الإبن الثالث شروط وميعاد التقديم

إلى حد 145 يورو شهرياً لكل إبن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظه للكاتب عمر