بونص بى بى وشيك الولادة

السلام عليكم
هنشرح النهارده شيك الولاده والبونص بيبى
أولا شيك الولاده assegno maternita
—————————————–
-شيك الولاده هو دفع مبلغ 1740 يورو لكل أم ترزق بطفل فى ايطاليا
شروطه-ان يتم تقديم الطلب فى خلال 6 شهور من الولاده
2-اقامه عاديه مش مفتوحه وده تم بعد حكم محكمه قدرت تحصل عليه سيده مصريه عام 2016 ومن يومها هتلاقى مكتوب فى الطلبات اقامه مفتوحه لكن لو قدمت باقامه عاديه بتستلمه
3-اوراق الام بطاقه +كودتش فيسكالى +أقامه ساريه مينفعش ريتش فوتا للاقامه لازم الاقامه+الكودتش فيسكالى وشهاده ميلاد الطفل
4-ايبان بنك او ليبرتو بوسطه المهم يكون باسم الام مش الاب
————-
يتم تقديم الطلب فى مكتب الاوفيتشو سوشيالى فى الكمونه التابع لها الام مينفعش اون لاين ولازم الام اللى تقدمه بنفسها
————–
يتم دفع المبلغ مره واحده وفى خلال 60 يوم من تقديم الطلب

——
ملحوظات
——-
لو الام معهاش اقامه مينفعش التقديم للاسف ولو ملحقتش تستلم الاقامه خلال 6 شهور من تاريخ الولاده هتضيع عليك المساعده عشان كده الناس اللى بتفكر تجيب زوجتها من مصر لازم يعمل حساب ان الدومندات والمساعدات للمواليد الجدد هتضيع عليك لو الزوجه مكنش معاها قامه
—
2-لو الكمونه رفضت تعملك الطلب بحجه ان الام ممعهاش اقامه مفتوحه شوف اى محامى وموجود فى ميلانو بيخلصوا كمان الموضوع ده ببلاش المهم تلحق قبل مرور 6شهور من تاريخ الولاده
******************************************************************
—–شيك الولاده bonus bebe
————————–
*دى مساعده عباره عن دفع مبلغ شهري للاسره التى رزقت بطفل فى ايطاليا ويعتمد الدفع على الايزى isee وعلى وجود طفل اخر فى الاسره ام لا
(أحب اعتذر لانى نشرت معلومه سابقه كانت خطاء فى الموضوع ده )
اولا الايزى تحت 7000 يدفع شهريا 160 يورو فى حاله المولود هو الطفل الاول فى العائله ويتم دفع 192 اذا كان يوجد للاسره ابن اخر (يعنى لو هو البكرى 160 يورو اما لو التانى او التالت ف 192 يورو)
ثانيا لو الايزى فوق 7000 يتم دفع 80 يورو شهريا لو هو الاول و 120 لو يوجد طفل اخر
*************************
الاوراق المطلوبه للتقديم
1-الايزى isee حديث ويكون تم اضافه المولود الجديد فيه يعنى تكون عملته بعد ولاده الطفل
2-كودتش+بيرميسو +بطاقه الاب والام +شهاده ميلاد والكودتش فيسكالى للمولود
3-ايبان البنك ويكون باسم اللى هيقدم الطلب يعنى ممكن الاب او الام يقدموا الطلب
————————
التقديم على الطلب
يفضل عمل الطلب فى اى مكتب كاف خصوصا انك كده كده هتروح عشان يعملك الايزى الجديد لكن لو عايز تقدم اون لاين ده لنك النقديم على الطلب على موقع الانبس
https://www.inps.it/nuovoportaleinps/default.aspx?iiDServizio=2796
———————————————–
ملحوظات هامه
————–
مينفعش تقدم لو الام ممعهاش قامه يعنى تانى لو هتجيب مراتك تولد هنا هاتها بدرى شويه عشان متضيعش عليك المساعده دى لانه 192 يورو او 160 يورو لمده سنه مبلغ مش قليل
2- لو قدمت خلال 90 يوم من تاريخ الولاده هتاخد السنه كامله حتى لو قدمت فى اخر ال90 يوم هيجولك ال 3 شهور مره واحده
3-لو اتاخرت فى التقديم لاى سبب لبعد 90 يوم فهيندفعلك فقط من تاريخ ما قدمت وحتى بلوغ الطفل سن سنه
4-هنا برده فى حكم محكمه بيلزم دفع البونص للكل سواء معاك اقامه عاديه او مفتوحه المهم تكون الام معاها اقامه

يتم الدفع فى خلال 60 يوم من تاريخ تقديم الطلب
——————-
ملحوظات هامه
لازم ماتصبرش على الطلبات دى اكتر من 60 يوم ولو اتاخرت الفلوس عن 60 يوم لازم تتصل او تروح الانبس بنفسك لان بيكون غالبا يا صوره لاحد الاوراق مش واضحه يا فى مشكله فى البنك محتاج تعمل كنترول عليها
?????????????????????
لو عايز تشوف الطلب اللى قدمته فيه ايه
اترفض assenta —-او اتوافق عليه accolta—- او معلق sospeso
هتدخل على اللنك اللى فوق اللى هو لنك التقديم على الطلب وتنفذ الموجود فى الصوره المرفقه
———————–
لو كنت قدمت على الطلب وعدى فتره ومجاش الرد متقلقش هتتصل بالرقم الموجود فى الصوره وبرقم الطلب بتاعك اللى هتلاقيه برده فى اللنك اللى فوق هتصلح المشاكل وهيدفعوا لك كله مره واحده
**************
?????????????????
وإنتظرونا فى شرح باقى المساعدات للاسر
#ابومصطفى