الفرق بين السينو فامليارى والكاريكو فامليا

الفرق بين السينيو فامليارى(assegno familiare) و الكاريكو فامليا اللى هو اسمه ديتراسيونى بير فامليارى(detrazione per familiare)
اولا نقول معنى كل منهم وايه الفرق
معنى السينيو فامليارى
هو منحه من الدوله لكل شخص لديه اسره مقيمه على ارض ايطاليا وباكد شرط اساسى الاقامه والريزيدنسا كمان
يعنى السينيو فامليارى مبيندفعش للاسره المقيمه لمصر وطبعا فى ناس بتزور ورق وتقدم على الطلب ده ويقبضوا الفلوس وزى ما حضراكم عارفين بيحصل كنترول من الانبز كل خمس سنوات ولو حصل
وحد خد حاجه مش من حقه بيتم خصمها باثر رجعى مع الفوائد وغرامه
وعشان كده من السنه اللى فاتت بقى تقديم الطلب يقدمه الشخص بنفسه مش صاحب الشغل يعنى يا تقدمه انت تروح لكاف يعملهولك
***** بامر الله هنعمل بوست نشرح فيه بالصور التقديم وتجديد الطلب كل سنه

طريقه حساب السينيو فامليارى

هذا موقع الانبس لمعرفة كام تستحق على حسب عدد أفراد الأسرة إضغط هنا
00000000000000000000000000 فى جداول بتتجدد كل سنه وبيعتمد الدفع على حسب الكود لكل شخص كما هناك مواقع على النت بتحسب السينيو مباشره
ملحوظات على السينيو فامليارى
1-لا يتم الدفع للاسره التى ليس معها اقامه وريزيدنسا داخل ايطاليا
2-يتم حساب كل الاشخاص المسؤلين من الشخص ومقيمين فى ايطاليا كالوالدين لو معهم اقامه وريزيدنسا والاخوه الصغار تحت 21 سنه فى حاله الابناء لا زالو فى الدراسه
اما الابناء ما بين 21 سنه و26 سنه اذا كانو يدرسون فيتم الدفع فقط فى حاله للاسره 4 ابناء
وابناء التبنى ….الخ
3-لا يتم الدفع فى حاله الشخص لا يعمل قانونى
4-يتم الدفع باثر رجعى فى حاله ان صاحب الطلب بيشتغل ريجولا ومقدمش الطلب لاى سبب فيتم الحساب من تاريخ اول ريزيدنسا للاسره
5-يتم تحديد الطلب كل عام فى نهايه شهر 6 يونيو
6-السينيو فامليارى هى زياده على المرتب وليست منحه من صاحب العمل لكنها منحه من الحكومه ولكن للاسف لا يوجد طريقه للحصول عليه بعيدا عن صاحب العمل
حيث انه يدفع ثم تخصم من ضرائبه
7-فى حاله الزوجه والزوج يعملان فيمكن لاى منهم تقديم الطلب كما يمكن ان يقتسموا المبلغ المدفوع فيما بينهم
8-لا يختلف السينو فامليارى باختلاف الاشخاص او اعمارهم او عدد فهو يعتمد فقط على عدد الافراد والكود عن العام السابق
8-لا يتم دفع السينيو للعائله التى تتكون من زوج وزوجه فقط حتى يحصلوا على ابن واحد على الاقل
الا فى حاله وجود اخ او اخت اصغيره مسؤلين منهم فى ايطاليا او فى حاله وجود الابوين او احدهما

ده موقع التقديم على الانبس وتقدر تعمله سواء بالاسبيد او بالبين بتاع الانبس

(((((((((((((((((((((((((((((((((((((((((((((((((((((((((((((((((((((((((((((()))))))))))))))))))))))))))))))))))))))))))))))))))))))))))))))))
الكاريكو فامليا
هو تخفيض الضرائب المدفوعه نظرا لوجود اشخاص فى مسؤليه الشخص صاحب الطلب بمعنى ان العامل فى ناس مبيشتغلوش وهو المسؤل عنهم لانهم يا تحت السن يا فوق السن وطبعا اقارب له

يتم احتساب الكاريكو فى حاله الاسره(زوجه واولاد) حتى وان لم يكن معهم اقامه ولم يسبق لهم دخول ايطاليا ..اما باقى الاشخاص كابناء الزوجه او الابوين او الاخوه تحت 18
سنه فيشترط وجودهم على ارض ايطاليا وحصولهم على الاقامه والريزيدنسا فى نفس المكان مع صاحب الطلب

بمعنى انت ممكن تعمل الكاريكو لمراتك وولادك حتى وهما فى مصر مجوش خالص ايطاليا لكن ده مينفعش مع والدتك او والدك حتى لو انت المسؤل عنهم الا لو جبتهم ايطاليا وعملت لهم اقامه

3-هناك طريقتين للاستفاده بالكاريكو فامليا

وانت تقرر وتختار الانسب لك

الطريقه الاولى :الحصول على المبلغ مره واحده وذلك عن طريق عمل موديل السته ترنتا 730 وهنا تحصل على المبلغ عن العام السابق عن طريق تقديم الطلب فى اى مكتب كاف خلال فتره التقديم
والتى تبدئ غالبا فى نهايه ابريل حتى نهايه يوليو ولكن السنه دى وبسبب الغلق فهيأجلوه شويه
ويتم تقديم كودتشات فيسكالى لكل افراد الاسره وكود العام السابق وعقد ايجار الشقه مع ايصال دفع الايجار والتسجيل السنوى ان وجد
..وهنا يتم الدفع فى بوستا باجا يوليو ويمكن لصاحب العمل تقسيم المبلغ على قسطين او اكثر …كما يمكنك طلب الحصول على المبلغ مباشره على حسابك فى البنك وهنا يتاخر الدفع حتى ديسمبراو يناير وطبعا لازم تروح الاجنسيا ديلا انتراتا تديهم الايبان بتاعك
ملحوظات على الطريقه الاولى
—–لعمل الكودتش فيسكالى للاسره المتواجده فى مصر يمكنك عمل قيد عائلى حديث من مصر والذهاب به للسفاره المصريه فى ايطاليا فتحصل على قيد عائلى معتمد من السفاره
ومترجم للايطاليه بمبلغ 35 يورو وتستلمه غالبا فى نفس اليوم ثم تذهب بهذا القيد للبريفتورا التابع لها وتوثقه وهتحتاج مارك دى بولو ب 16 يورو وبعد استلامه موثق
يمكن عمل االكودتش فيسكالى لكل الاسره من اى مكتب اجنسيا دبلا انتراتا

2-لا يشترط ان تكون منتظم فى عمل هذا العام لعمل السته ترنتا كما يمكنك التقديم عليها بعد نهايه مده السماح فيما يسمى موديلو اونيكو

**********الطريقه الثانيه وهى عن طريق طلب موديل ديتراسيونى بير فامليارى وفى هذه الحاله يتم تقسيم المبلغ على 12 شهر ويتم خصمهم من الضرائب شهر بشهر
***********

#ًصوت_المصريين_فى_ايطاليا
***********************************************************************************************************************
ملحوظات على الكاريكو فامليا
1-الكاريكو فامليا هو تقليل الضرائب نظرا لوجود اشخاص مسؤله منك وهنا يجب ان ندرك ان فى حاله الضرائب اقل من المبلغ المفروض دفعه لا تحصل على الزياده
2-تختلف المبالغ المدفوعه باختلاف عدد الاشخاص وكود العام السابق وسن الاشخاص فالابناء تحت 3 اعوام يتم دفع مبلغ اكبر من الاطفال فوق 3 اعوام
كما ان طريقه الدفع للاسره التى فيها اطفال اقل من 3 هى اقل من الاسره التى تحتوى على 3 اطفال فاكثر

3-فى حاله انك عامل موديل الكاريكو فهتلاقى فى البوسطه بتاعتك مكتوب انت بيندفعلك اد ايه لزوجتك واولادك لكن لا يتم اضافه المبلغ على المرتب ولكن يخصم مباشره من الضرائب

4-لو كنت شغال قانونى ومكنتش تعرف موضوع الكاريكو فامليا تقدر تروح الاجنسيا ديلا انتراتا وفى هناك موديل بيتعمل ويتم دفع الفلوس المخفضه من الضرائب حتى خمس اعوام للخلف فيما يسمى rimborso fiscale
وهذا فيديو يوضح كيفيه طلب ر يمبورسو وان كنت افضل ان تذهب لاى كاف يعملك الطلب وذلك عن
طريق
انك تاخد الكود للخمس اعوام السابقه مع اوراقك وتقدم على الطلب
#ابومصطفى
فيديو توضحى اضغط هنا

(((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((((
ملحوظات على كلا الموديلين ومقارنه
1-السينيو فامليارى يشترط الاسره معها اقامه وريزيدنسا اما الكاريكو فلا يشترط
2-السينيو يتم تجديد الطلب مره كل عام فى شهر يونيو اما الكاريكو فيتم تجديد الطلب فى نهايه ديسمبر او بدايه يناير
3-السينو لا يوجد طريقه للحصول عليه الا عن طريق صاحب العمل اما الكاريكو فيمكنك طلب المبلغ على حسابك فى البنك فى حاله انك تعمل 730
4-السينيو يتم دفعه باثر رجعى بعدد الاشهر التى كنت تعمل فيها ريجولا ومن تاريخ حصول اسرتك على الريزيدنسا فى ايطاليا اما الكاريكو فيمكنك حتى 5 اعوام سابقه
عن طريق الاجنسيا ديلا انتراتا والكودات السابقه

ملحوظه اخيره اى اسره عنده 4 اطفال فاكثر يتم دفع مبلغ 1200 يورو سنويا فى شهر 12 من كل عام كبونص ويمكنك ايضا الحصول عليها عن طريق السته ترنتا
واخيرا انتظرونى فى بوست قادم لشرح كيفيه حساب الكاريكو فامليا
ومعرفه اذا كان صاحب العمل يدفع الكاريكو شهر بشهر ام يمكنك عمل 730
*************************
ارجو التفاعل والشير لتصل المعلومه لمن يحتاجها
#ابومصطفى

عن عمر

اتمنى لكم الاستفادة من الاخبار والقوانين فى غربتكم والسلام عليكم

شاهد أيضاً

شروط التقديم على أعانه البطاله

أعانه البطاله

أسباب الطرد والترحيل او الرجوع من المطار ومنع الدخول

أسباب الطرد والترحيل او منع الدخول

14 تعليقات

  1. أخبار ممتازة وصحية ونستفيد منها نشكركم على ما تقدموة

  2. تحياتى لكم ووفقكم الله دايما على ماتقدموه…

  3. صباح الخير ي دكتوره لو سمحتي حضرتك انا في إيطاليا من ٧ سنوات والمدام من سنتين وعندي ٢ اولاد ي في إيطاليا وشغالين هل يحق لي عمل سينو فاملياري للعلم انا شغال ريجولا ٤ساعات يوميا ارجو الافاده وكلكم منا جزيل الشكر والتقدير

    • يحق ليك بس لازم تعمل دوماندا او تعمل إلستا ترنتا فى مكتب الكاف النقابه العماليه السندكاتوة

    • لو سمحتي انا عندي 4اولاد وكل مااعمل 730 يجي 150يورو بس وكل مااسال يقولو صاحب الشغل عامل كايكو فامليا ييتخفض من الضريب عنده مع العالم ان من 4سنين كنت باخد 2000 يورو وبعد كده اتغير كل حاجه ممكن لو سمحتي حل

  4. لو سمحت انا زوجتى وابنى معاهم الجنسية الإيطالية وقاعدين هنا ف مصر ايه نوع المساعدات اللى ممكن يقدموا عليها

  5. انا بعمل 730 واخذ السنيو علي البوسطه باجا وأول مره اسمع عن ال1200يورو بدليل أن هذا العام ال 730طالعه ب 780يورو بس

  6. عندى كاريوا فاميليا انا وزوجتى و٢ اولاد وعلشان انا عامل طلب ديدراسيون للأسرة ابنى حصل على وظيفة منذ شهر أكتوبر والعام انتهى ماذا أفعل لكى اسيله من الكاريكو هو اشتغل ٣ شهور فى ٢٠٢٠ رجاء ماذا مطلوب عمله

    • كلم الشركه هترسل ليك موديل تملاه او هياخد منك فى ال 730

      • عرفت لو عملت طلب أن ابنى اشتغل من شهر اكتوبر٢٠٢٠ هياخدو ا كل الفلوس ال اخذتها من يناير ٢٠٢٠ إلى ديسمبر ٢٠٢٠ مفيش طريقه أخرى ألغى إضافة ابنى

  7. السلام عليكم أنا مقيم منذ 2002متزوج ومعي 2اطفال وأحمل الجنسيه. الايطاليه زوجتي شغاله بساعات محدده وانا عاطل عن العمل الان لي سنه تقريبا بسبب مشاكل تركة البيت لأجل اطفالي وانا الان اعيش وحيدا ولم احصل على اي مساعده ولا اعلم هل الزوجه بتستلم سينيو فميلياري ام لا لانها عمر جوازنا 18سنه لم تخبرني بشي لأنني كنت اعمل بعض ساعات واتحمل معها نفقات البيت والايجار والكهرباء والتدفئه

error: جميع الحقوق محفوظه للكاتب عمر