مساعدة لطلاب الثانوى والإعدادى 500 يورو كيف تحصل عليه


لسلام عليكم

النهارده بدئ التقديم على dote scuola
ودى عباره عن مساعده للاسر اللى لهم ابناء فى الدراسه الاعداديه والثانويه
لشراء الكتب الدراسيه او اجهزه كالكمبيوتر وغيره للمساعده على الدراسه
شروطها
1-تكون من سكان لومبارديا
2-يكون عندك ابن فى مدرسه اعدادى او ثانوى او فى خمسه ابتدائى السنه دى يعنى هيدخل اعدادى السنه الجايه
3-تكون عملت الاسبيد والايزى
—–
السنه دى تم زياده المبلغ المخصص وهيكون مابين 200 ل 500 يورو للتلميذ الواحد والفلوس بتيجى على الكودتش فيسكالى للاب اللى قدم الطلب
–////////——–///////////———–/////////
ودلوقتى هنشرح بالصور ازاى تقدم الطلب
1-تدخل على اللنك اللى تحت وهيطلعلك الصوره رقم 1 وتدخل بالاسبيد
طبعا هتختار الاسبيد اللى انت عامله سواء بوسطه او تيم او عيره
وهتكتب الايميل والباص وورد ثم موافقه عن طريق الابليكيشن اللى انت تبعه

2-الصوره رقم 2 فقط هتضغط
3-الصوره رقم 3 هتلاقى بيانات صاحب الاسبيد وتكمل اللى ناقص فيهاو اتاكد ان كله تمام
4-الصوره رقم 4 فقط اضغط
5-فى الصوره دى هتلاقى بيانات التلميذ اللى بتقدمله وانا قسمت الصفحه لاكتر من صوره لانها هى المهمه
هتلاقى فى النصف العلوى من الصفحه بيانات التلميذ وهتلاقى الايزى مثبوت لوحده من الانبس وتحت فى اخر الصوره (صوره 6) هتلاقى اسماء كل افراد العائله الموجوده فى الايزى
6-الصوره رقم (6-7-8-9)
اولا هنضغط علامه + الموجوده فى الدايره فهتطلعلك الصوره رقم 7 و8
وهتلاقى كما فى 7 بيانات التلميذ تملاها اوهتلاقى فى النص اللى تحت بيانات المدرسه اللى هيكون فيها التلميذ العام القادم
لو ناقص شئ تكمله ثم نضغط كما فى الصوره رقم 8
—الصوره رقم 9 هنرجع تانى للحدول اللى فيه اسماء العائله كلها فى الصوره رقم 6
ونضغط عليهم اسم اسم ونضغط حذف كما فى الصوره نسيب فقط اسم التلميذ اللى سبق واضفناه ولو عندك اكتر من ابن فى اعدادى او ثانوى هو طلب واحد للكل
10-خلاص كده خلصنا الطلب هتضغط كما فى الصوره وتنتظر شهر او اتنين لحد ما يجيلك الرد
**************
ملحوظه فى حاله انك لسه ما عملتش الايزى فللاسف مش هينفع تعمل الطلب لكن ممكن تتواصل مع اى كاف من اللى شغالين اون لاين وليكن الاستاذ محمد جمعه يعمللك الايزى
************
التقديم من اول اليوم 7-4 وحتى 29-5
ده لنك التقديم اضغط هنا

ولو مفتحش استخدم اللنك ده

عن عمر

اتمنى لكم الاستفادة من الاخبار والقوانين فى غربتكم والسلام عليكم

شاهد أيضاً

الاتصالات فى دول الإتحاد الأوروبي

استخدام خدمه التجوال بين دول أوروبا

طريقه عمل رقم قومى للأبناء فى إيطاليا كوديتش فسكالى

أسهل طريقة لعمل كوديتش فسكالى للأبناء فى إيطاليا

3 تعليقات

  1. بارك الله فيك

  2. بارك الله فيك ، بس للاسف المدارس اللي موجودة هي مدارس خاصة و ليس مدارس حكومية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: جميع الحقوق محفوظه للكاتب عمر