السلام عليكم
الناس اللى معملتش اسبيد لحد النهارده ياريت تحاول باى طريقه تتصرف وتعمله وانا شفت بعض الصفحات نزلت طريقه عمله من البيت لو مش عايز تروح البوسطه مع انى افضل انك تروح تعمله فى البوسطه
والسبب ان فى حزمه مساعدات للاسر فى لومبارديا تم الموافقه عليها يوم 31 مارس للاسر واعتقد هيكون فى زيها فى باقى المناظق لكن انا اللى لقيته حتى الان للومبارديا
من ضمن المساعدات دى مساعدتين جداد قيمه كل مساعده 500 يورو لكل اسره يعنى لو تنطبق عليك الشروط هيكونوا 1000 يورو
++++
المساعده الاولىContributo mutui prima casa ?
500 يورو لكل اسره تمتلك شقه وهى 500 يورو لدفع الراتا للمطواه للشقه بشرط تكون الشقه الاولى
++++

المساعده التانيه Contributo e-learning ?
500 يورو لمساعده الاسر لشراء كمبيوتر او تابلت ومستلزماته من كاميرا ومايك وغيره لمساعده الطلاب على الدراسه
++++شروط الحصول على المساعدات
1-الايزى تحت 30 الف يورو فى السنه
2-ان تكون اقامه فى لومبارديا ( ريزيدنسا)
3-ان يوجد فى الاسره طفل واحد على الاقل تحت 16 سنه واكير من 6 سنوات
الشروط الثلاثه واحده للطلبين يعنى لو شارى شقه ومفيش طفل مينفعش التقديم
لو مش شارى شقه وعندك طفل بيدرس وسنه من 6 ل 16 فينفعلك الدوماندا التانيه
— التقديم فقط على النت على موقع regione lombardia
وفقط باستخدام الاسبيد
ملحوظه الموقع موجود عليه حاليا مساعده للاسر المنفصله بنفس المبلع تقريبا
ملحوظه 2 حتى الان لسه التقديم مفتحش لكن حبيت انشرها عشان الناس تلحق تعمل الاسبيد وبامر الله لما تفتح هعرف حضراتكم
اخيرا لو حضرتك ربنا مقدرك ومش محتاج المساعده دى فارجوك بلاش تقدم عليها لان المبلغ المرصود 16 مليون تقريبا وهيكون للى يقدم الاول لحد الفلوس ما تخلص
ده لنك فيه تفاصيل المساعدات دى وتقدر حضرتك تجيب اكتر من لنك لو بحثت على SOSTEGNO ALLE FAMIGLIE •
مفيش مشاكل الناس تاخد البوست على صفحاتها وتوصله للناس المهم المعلومه توصل للى محتاجها
واخيرا كم انتى عظيمه يا ايطاليا لانك وفى عز الازمه لازلتى تذكرى المحتاجين بدون تفرقه بين الاجنبى والايطالى
#ابومصطفى

https://milano.repubblica.it/cronaca/2020/03/31/news/coronavirus_in_lombardia_un_bonus_di_500_euro_per_le_rate_del_mutuo_e_per_gli_studenti_che_non_hanno_un_computer-252752931/?refresh_ce